生活記一點：轉變

升職後既兩個月，工作完全進入瘋狂狀態，每日朝9晚10，身心疲累，無心更新投資組合，甚至自己真實既投資組合都無心看管。人生若然單單因為打一份工或者多幾千蚊，而需要放棄家庭、興趣、想法甚至夢想、人生目標，值得咩?? 

固勿論如何、幸好時間來去沖沖，繁忙過後終於可以靜下來。尼兩日去左參閱好多個blogs，例如blogger止凡的「取之有道」、巴黎的「巴黎的價值投資」、Dozy的「第一桶金」、80后求生隊長的「80后。向上樓」、DreamerKC的「80後偽中產之投資路」等等等等，體會到每個blogger都有自己既特色、文筆、興趣。。其實係呢個咁自由既空間自己鍾意寫乜就寫乜、想用咩文筆就咩文筆，就算片言隻字又如何??寫下來記下來總比隨它消失更好吧?? 套用Dozy有一篇回顧文章話：「最初寫網誌，絕對是因為悶...生活上不如意，精神上也空虛；　跟同事相處，談的自然就是工作；跟朋友相處，說的自然就是吃喝玩樂；　　論社會？評政治？說投資？講趣味？...總是無從說起。在網誌...不但暢所欲言，還有網友閱讀、回應，動力澎湃，Marvellous！」之前因為只想專注寫關於投資的二三事，數月過後，事實證明此路不通、再加上心態怠惰，眨眼又過半年，What the FUXK you really did in this half a year and for the rest?? 人生在世，我唔想平平凡凡咁過，學周星星話「人無夢想同條鹹魚有咩分別!?」我相信縱然我力量尚小，但學著名投資人火燎森話「星星之火係可以燎原嫁！」

我相信自己係興趣較廣既90後，吃喝、玩樂、電影電視、日文葡文、宗教研究、讀書心得等等多方多面，凡事都一定會有心得想法，並非只係飯來張口之輩不思進取。簡單記事，借機會鍛鍊組織同表達能力，亦有助改善文筆，對將來成為資產管理人實有得益。

借用「卡內基的溝通藝術」一書所指，關於「如何提升演講或日常溝通技巧」，最關鍵既要點：對你所做既野具有超乎常人既熱情並每刻都謹記練習、練習、再練習。

凡事向前衝之前，都必須有明確而清晰的目標，距年尾尚有約240日，每日一撰共240文，當中最少4成係關於投資。若果結果與目標不符，將會捐出港幣500大元至一慈善機構，立此為證！而目標機構未定，可有提議?!