讀後 -港股A餐 -紅

幾小時可以讀完既投資書藉

港股A餐

三次坊教室出版

「大道至簡」

紅猴行文用字十分淺白，但卻可表達其多年投資經驗及心得，讚!!初學既投資者、唔介意「慢慢黎」既投資者非常岩讀，亦適合經驗投資者重新反省「投資」呢回事，特別係基本分析投資者。

心態、實戰、實例（I.t. 0999)、資金管理、問與答、讀者經驗分享，內容安排上順著讀就已大致上把路遙咁多年讀過、做過既野大部分併入書中。（話說回頭，有啲似Peter Lynch某本書既鋪排？）

筆者最深刻係紅猴由頭到尾將I.t.既年報完整地分析一次，亦樂意提供相關分析既.xsl worksheet供讀者自己做功課（寄回讀後感作互動）。搞到路遙都想自己返屋企搵間公司做一次。

介紹過林林種種既分析方法後，去到尾最重要其實係實戰，「紙上談兵不貴，貴在實戰經驗」。分析方法大同小異，但當你計完數，上網一查個股既報價同你差萬丈遠時，你會唔會心都灰哂？書中舉工銀一例，假設預測來年盈利每股$1.0，歷史市盈率假設為6倍，但現價若高達$20.0，你又可以點做？等待還是心急進場吸貨？

去到最後，路遙開始明白Buffett點解話投資好簡單，Munger話從無見過佢計數。可能其實條數真係唔駛點計，只需要做一個簡單分析（某幾個比率、了解 business model、了解管理層）就決定到買定唔買，而重中之重係你買入既心態（no greed no fear but confident)同時機。