價值投資者 在大牛市的角色

食正條水！TVB重播《大時代》！看見連日大升市，有感而發。

學巴老話，價值投資者優勝既地方並唔係大牛市，而係係熊市並平淡市況中可以穩住陣腳或跑贏大市。回望一下價值組合，達芺妮210、新意網8008、旺旺151分別只有-19.22%、21.4% 、-0.97%，遠比連日既港交所388(47%)、各中資銀行、南北車基建股差遠了。

價值組合的股票，Daphne既標的為2016年、新意網為長期值得持有既價值公司、旺旺由於其獨特既公司文化及多年既優秀業績，深深吸引筆者長期留意觀察，並終於在近期加入組合中，成為佔有重要成分既公司。可惜的是，等了一年、半年，回報還不如上星期8、9、10日港交所388的的單日回報。換轉係你，心灰不？

身邊朋友近日亦開始加入沸騰既股市並產生追落後或高追既念頭，例如以$260買入港交所並大發豪言劍指$300甚至更高(15.4~53.8%升幅)、詢問有否其他還未開展升勢既落後股、姨媽姑姐也問問近日大升市筆者有否斬獲等等。事實上，問得筆者也沾沾自喜，就是被認同的感覺。另一邊廂，筆者也到處打探一下身邊朋友有否參與股市。還好有一些尚算冷靜的街坊朋友憶起當年的00年科網泡沫、03年沙士、甚或97年金融風暴，心理陰影揮之不去滿口怕怕，警惕經驗尚少既筆者Be fearful when others are greedy。

近日賺到的，恭喜！但還請多加警惕現今這般市況。