機會只留俾有準備既人。1211比亞迪，股神旗艦仍然持有既上市公司。當你見到呢幅圖唔知你有咩感覺，但我就不知何故刻骨銘心，漸漸明白Charlie Munger所講「我投資戶口既資金已經兩年無郁過」當中既智慧。常言道「市場一年只有20%時間(甚至更少)處於非理性，市場先生會於呢段日子亢奮起來，向在場者開出低於潛在價值的市價抛售手上珍貴的股份」，「機會係留俾有準備既人」，曇花一現，無現金者注定捕捉唔到呢個時刻。
升市時賣股，跌市時買股，藍籌適用。可能係路遙睇計分牌睇得太多，再加上性格喜歡往群眾的另一邊走，對著幹，往往覺得買股應該朝相反面而進。呢度講既升市跌市，其實亦代表趨勢，仔細啲講，路遙從Livermore身上學到對於趨勢既演繹有一個字「三」：一個趨勢，比如升市，若果能持續上升三日並有成交量配合，路遙會話呢個係其中一個較明確既交易訊號。過去三月，從觀察所得，訊號既出現並非常有。詳細？另文再續。
另外，藍籌適用當然係關乎藍籌股，因為趨勢其實所講既係恆生指數，恆生指數包含既股票公司大部份都具有行業優勢/行業競爭力，比如百麗為中國大陸休閒鞋業最大既公司。學巴老話「要買就買行業既領頭者。」
安全邊際的應用。事實上還拿捏唔到價值同價格既分別，何況安全邊際。安全邊際Margin of Safety係喺計算出價值後為預計以外既情況定下既落差區間，舉維他奶345為例，價值上筆者定價區間若為$8.70，假如留有相當百分比既安全邊際如10%，即入貨價約為$7.83開始操作。路遙對於此等概念還是只有很顯淺既理解，希望來年能夠掌握更好並能實實在在地應用於投資上。
管理層/董事會的考察，出席股東會的重要性。佐丹奴、通達集團、維他奶，為上一年曾經參與的股東大會。由於筆者既性格係喜歡對人而非單單透過閱讀一啲數字去評估一間公司，亦很喜歡去八卦發問，所以一年一度的股東大往往係最佳既地方去做考察、去八卦、去提問。記得第一次去佐丹奴股東大會時還很戰戰競競，不敢提問。但汲取左經驗後，再去通達股東大會已經開始發展一套個人既考察方法如：董事對出席股東會的投入度(是否準時、有否準備)、接受提問時能否自如地對答，從不同既回答或表現往往可以體驗並理解到公司未來兩三年或更遠既走向，從而去決定值得投資與否；再之後既維他奶股東大會，已經開始不斷提問，因為想更加了解一間自身感興趣既公司將來會如何發展，並希望係唔同既交流下更加了解管理層既性格並睇法。
回顧(一)待續...
