709佐丹奴股東會紀實(下) -16/05/14

L: 劉國權先生    I: 新加坡股東及筆者

I:  公司有高達$1.4b現金，會否考慮增加派息?? 派息可否維持??

L: 股息方面你可以參考本集團過往十多年歷史便可略知一二，而現金方面，帳面上雖然有$1.4b但實際上有多達500m係具有資本限制性質如中國企業的保證金之類，不可隨便動用。
(從aastock資料，現金為1437mil，扣去500mil除以股份1569mil，每股現金$0.5972。)

I:  未來可會有什麼計劃??
S: 集團未來5年內仍未有任何A&M(收購及合併)計劃，我地仍然會著力發展佐丹奴品牌。

I: 面對UNIQLO等Fast retailer，集團可有應對策略??
S: GIORDANO正力爭品牌區別於「休閒服飾」，唔會跟隨對手去改變，但我地會去學習對手既長處去加強自己既競爭優勢(We won't follow competitor but instead we will think what can we learn from the competitor)。(本想再問具體啲但時間所限)

I: 近期年報都有提及佐丹奴在實行"快速市場推廣"(Fast marketing)，可否具體指出成效??同UNIQLO等既Fast retailing可有任何關係??
S: 兩者無任何關係，呢個策略既主要目的係為公司建立人脈，同時亦為強化前線銷售人員既技巧。集團計劃於首年內推出8個marketing，之後會改為一年內推出3個marketing以避免速度太快令銷售人員難以適應及檢討成效。

另外，筆者亦想有如下問題，但可惜時間所限未能盡錄：

1. 公司十年內都無試過回購股票，係如此市況下會否嘗試?? 相反，為何集團持續發行認股權??此舉會攤薄股東價值。
2. 東南亞市場動盪，銷售下降。將來經濟環境？有咩策略？
3. 迅捷的關聯？

對於今次既股東大會，真實情況同想象係有落差，股東大會應該充滿提問及回答、股東同董事之間針鋒相對；感覺有點事如願違。猶想起當年巴菲特曾經說服管理層回購股票（自傳），未知將來筆者可否使用股權去增加股東權益??

題外話，股神Buffett所領導既Berkshire既股東大會，每年都可以聚焦到全球投資者既注意，下年真係要去感受一下。