709佐丹奴股東會紀實(上) -16/05/14

時間：2014年5月16日早上9點30分

地點：香港九龍長沙灣道777至779號天安工業大廈3樓B座

筆者大約9點15分左右到達，當時只有一位非執董在場及數名股東，果然聞名不在親見，香港人對於一年一度既股東會其實不甚重視。整個過程只有一名來自Singapore既投資者發問過幾條問題，而完會後，主席劉先生同筆者及同一位投資者匆匆傾談一陣後，亦趕去跟住落黎既紀者會接見傳媒。筆者心中有感不滿，唯有等下次半年會再同劉先生交手。

9點20分既現場，約三名股東(另外兩人不在相中)及非執董

會場旁邊掛有上季佐丹奴既宣傳海報，香港model周英娜配以藍色主題

事實上，Lou都係第一次去股東會，心情緊張，完全唔知將會發生既事，只係之前睇過某位投資者撰文關於金利來533股東會既事宜，過程不外乎宣布議事程序及快速投票。股東大會就筆者而言，係一個難得既好地方可以直接對公司既管理層作出提問及得到滿意既答案，有說年報已經包含大部份重要既資訊，但筆者更相信透過真人對話，可以加增個人對公司經營既信心，套用巴菲特所指：「買股票要抱著經營者既心態去買，盡可能去理解公司既業務」從而有效降低風險，因為投資風險係來自你唔知道自己係度做緊咩。

話說回頭，今次股東大會果真只有宣布議事程序及快速投票，成個過程只有一位來自新加坡既投資者就佐丹奴發行股權及股息進行提問，筆者都有準備問題，但由於緊張同經驗不足，被主席快速帶過程序後就完結左，時間上不超過30分鐘。

猶幸劉先生都願意係大會完結後稍留片刻對股息能否維持發表意見，詳細問題請見另文...